Nýskipan lögreglunnar. Árangursstjórnun 1996-2008

Pétur Berg Matthíasson

Abstract



Í þessari grein er gerð tilraun til að lýsa því hvernig árangursstjórnun lögreglunnar hefur verið háttað frá árinu 1996 til ársins 2008 og hvernig þær breytingar sem urðu á árinu 2007 hafi gjörbreytt árangursstjórnun innan lögreglunnar. Í upphafi er fjallað um stefnu stjórnvalda um nýskipan í ríkisrekstri og lykilhugtök markvissrar árangursstjórnunar. Í kjölfarið er reynt að greina árangursstjórnun innan lögreglunnar frá árinu 1996-2006 og hvernig til tókst við innleiðingu hennar út frá þáttum sem Ríkisendurskoðun hefur skilgreint. Árið 2007 einkenndist af miklum skipulagsbreytingum innan lögreglunnar. Lögregluembættum fækkaði úr 26 í 15, komið var á fót sérstökum rannsóknardeildum, skipurit ríkislögreglustjóra var breytt, dómsmálaráðherra kynnti í fyrst sinn löggæsluáætlun stjórnvalda til ársins 2011, árangursstjórnunarsamningar voru gerðir við öll lögregluembætti og svo mætti áfram telja. Markmið þessara skipulagsbreytinga var að efla og styrkja löggæsluna, auka skilvirkni og bæta þjónustu við almenning. Stjórnsýslu- og eftirlitshlutverk ríkislögreglustjóra var m.a. eflt til að tryggja að unnið væri að því að ná fyrrgreindum markmiðum. Gerð er tilraun til að greina nánar styrkleika og veikleika þessara breytinga og áhrif þeirra á árangursstjórnun. Í lokin er reynt að skyggnast inn í framtíðarskipan lögreglumála og greina þá strauma sem líklegt er að einkenna muni umræðu um skipulagsbreytingar á komandi árum.

Full Text:

PDF (Islenska)

Refbacks

  • There are currently no refbacks.




         

Published by the Institute of Public Administration and Politics of the Faculty of Political Science, University of Iceland.

Hosted by the Computing Services of the University of Iceland.