Margrét Gunnarsdóttir: Ingibjörg. Saga Ingibjargar Einarsdóttur, eiginkonu Jóns Sigurðssonar forseta.

Útdráttur

Í umsögn gagnrýnanda kemur meðal annars eftirfarandi fram:

Bókin er lipurlega skrifuð, byggir á traustri rannsóknavinnu og frágangur allur er til fyrirmyndar. Auk þess að færa okkur Ingibjörgu lýsir þetta rit einnig upp áður skuggsælar hliðar á lífi og sögu Jóns, ekki síst þær sem snúa að einkalífinu. Margar eru þær konurnar sem horfið hafa af yfirborði íslenskrar sögu í þagnarhylinn en hér hefur Margrét fært okkur sögu konu sem átti stóran þátt í því starfi sem lagði og var notað til að leggja grunninn að þjóðfélagi vorra tíma. Slíkt rit verður seint fullþakkað.