Er enn stefnt að nýskipan í opinberum rekstri?

Abstract

Peter Osborne og Ted Gaebler lýstu því yfir snemma á tíunda áratug síðustu aldar að rekstur hins opinbera hefði breyst og festu það seinna í prent með ágætri líkingu; að hlutverk stjórnvalda væri að þróast í átt þess að stýra vagninum í stað þess að draga hann (Osborne and Gaebler 1992, 25). Þannig var því sjónarmiði gert hærra undir höfði að stjórnvöld ættu ekki sjálf að veita almenningi þjónustu heldur væri hlutverk ríkisins að sjá til þess að þjónusta væri veitt. Segja má að opinber stjórnsýsla hafi þar með vikið fyrir því sem oft hefur verið nefnt nýskipan í opinberum rekstri.