Stefnumótun í löggæslumálum. Hlutverk og tillögur verkefnanefnda

Útdráttur

Í þessari grein er fjallað um tillögur tveggja nefnda, þ.e. verkefnisstjórnar um nýskipan lögreglumála og starfshóps um sameiningu lögregluembætta, og um stjórnsýsluúttekt Ríkisendurskoðunar á embætti ríkislögreglustjóra. Á síðustu fimm árum hafa þessar tvær nefndir og Ríkisendurskoðun gefið út skýrslur þar sem fjallað er um framtíðarskipulag ríkislögreglustjóra. Skýrslur nefndanna og Ríkisendurskoðunar fjalla ekki einvörðungu um framtíð ríkislögreglustjóra heldur einnig um breytingar á skipulagi lögreglunnar í landinu.